5 қыркүйек - Қазақстан халқы тілдері күні болып бекітілді .Айта кету керек, Тіл мерекесінің 5 қыркүйек болып белгіленуінің де өзіндік себебі бар. Бұл күн - "Ұлттың сақталуына да, жоғалуына да себеп болатын нәрсенің қуаттысы - тіл" деп ұлағатты сөз қалдырған, қазақ халқының тағдыры, тілі үшін күрескен Алаш арысы, Ұлт ұстазы Ахмет Байтұрсынұлының туған күні. Енді барша қазақстандықтар қазақ әліпбиінің негізін салған ғалымның туған күнінде Тіл мерекесін тойлайтын болады. Осыған орай орталықтандырылған кітапханалар жүйесінің балалар мен жасөспірімдер кітапханасының қызметкерлері Қ. Шыңғысов атындағы 5 жалпы білім беретін орта мектебіне барып," Ана тілім - дана тілім" атты поэзиялық марафон ұйымдастырды. Поэзиялық марафонға 10"А" сынып оқушылары ат салысты. Іс шара барысында бір топ мектеп оқушылары тіл жайында өлең оқыды,сонымен қатар, мектеп ұстаздары тіл мерекесімен құттықтап, жылы лебіздерін білдіріп жатты. Кітапханашы Қ.Қожырбаева "Тіл - ұлы байлық " атты кітап көрмесіне шолу жасады. Тіл мерекесіне арналған іс - шара өз деңгейінде өтті.

 
Пікір білдірді (1) Қаралды: 18

              N2 үлгілі кітапхана-филиалы жас оқырмандарды кітапханамен таныстыру мақсатында "Білімді мыңды жығар" Білім күніне орай ашық есік күнін өткізді. N11 жалпы орта білім беретін мектебінің 4 сынып оқушылары келіп, кітапхананың тыныс-тіршілігімен танысты. Оқушылар кітапхана бөлімдерімен, ережесімен, кітап қорымен, каталогпен жұмыс т.б. көріп білді. Балалар бөліміндегі қызықты, таңғажайып, ертегі кітаптар балаларға өте ұнады.

Пікір білдірді (1) Қаралды: 14

          03.09.2019 жылы М.Әуезов атындағы кітапхана-филиалында «Ел ертеңі - жастар» ашық есік күні өтті. Ашық есік күніне медицина колледжінің 1-курс студенттері қатысты. Кітапханашы А.Жанибекова келген студенттерді білім күнімен құттықтап, кітапхананың жұмыс кестесімен, ережелерімен таныстыра келіп, биылғы жылдың мерейтой іс-шаралары бойынша жасалған «Қазақ ғылымының атасы – Қ.И.Сәтбаевқа 120 жыл», Жезқазған қаласының 65 жылдығына орай «Шуақты қала - Жезқазған», Жастар жылына арналған «Жалынды жастар жылы», «Бір ел-бір кітап» акциясы атты көрмелердітаныстырып өтті.

Мақсатымыз жастарды оқуға тарту, кітапқа деген құрмет, қызығушылығын арттыру, бойында ақындық қасиеті бар жастарды «Жас толқын» поэзия клубына тарту.

Жезқазған қаласының 65 жылдық мерекесіне арнап жасалған «Шуақты қала - Жезқазған» атты көрмеден Жезқазған қаласы және еңбек адамдары жайлы кітаптарға шолу жасай келіп, геолог, ғалым Қаныш Сәтбаевтың еңбектері, көрмедегі суреттері, кітаптарын, минерал тастарына тоқталып өтті.  

Пікір білдірді (1) Қаралды: 13

          1-қыркүйек білім күніне орай біздің кітапханада "Кітап- біздің досымыз" атты кітапханаға саяхат ұйымдастырылды. Кеңгір селолық №2 орта мектебінің 3-4 сынып оқушылары мен сынып жетекшілері қатысты. Кітапханашы Назира Тілеубайқызы кітапхана ережесімен таныстырды. 4 сынып жетекшісі Дәмелі Мұратқызы осы кітапханаға тілегің білдіріп жыл бойы сынып оқушыларымен келіп тұратындарын айтып өтті. Кітапханашы Сәуле Сәдірқызы "Кітап- біздің досымыз" атты кітап көрмесімен таңыстырды. Өсіп келе жатқан жас жеткіншектерге жаңа оқу жылында білімдерін арттырып шыңдай білсің деген тілек білдіреміз.

Пікір білдірді (1) Қаралды: 15

            Білім күні барша халықтың дәстүрлі мерекесі! Әр адамның жүрегіне ерекше әсер қалдыратын бұл күн оқушылардың басын біріктірері де сөзсіз. Дәл осы күннен бастап, алғашқы қоңырау үнімен бірге, әр адам өмірінің жеке тұлға және азамат ретінде қалыптасу кезеңі басталары анық. 1 қыркүйек Білім күніне орай Балалар мен жасөспірімдер кітапханасында "Кітаппен бірге білімге жетеміз" атты ашық есік күні өтті. Мерекелік іс шара Әнүранмен басталды. Кітапханашы Ж. Досетова оқырмандарды құттықтап, кітап көрмедегі әдебиеттерімен таныстырды. Оқырмандар білім, Отан, патриотизм сынды ұғымдар жайлы өз түсініктерімен бөлісе отырып, кітапхана және кітап туралы білімдерін толықтырды.

Пікір білдірді (1) Қаралды: 15