Тарадай  В. көшесі- қаланың  шығысында орналасқан шағын көше.Жастар көшесінен басталып, солтүстігі Лазо көшесімен аяқталады. Көше бойында екі қабатты үйлер, қалалық мамандандырылған әкімшілік соты  мен  төтенше жағдайлар жөніндегі басқарма мекемелері және Жезқазған медициналық колледжі орналасқан. Бұл көше бұрын Кенгір болып аталған. Көше атауы Халық депутаттары Жезқазған қалалық Кеңесі атқару комитетінің 1987 жылғы 22 қазандағы №496/18 шешімімен өзгертіліп, Ауғанстан Демократиялық Республикасыда әскери және интернационалдық борышын        өтеп жүріп қаза тапқан, «Қызыл Ту» орденінің кавалері В.Тарадай есімі берілді. Көшенің жалпы ұзындығы 275 метр, асфальтталған.

       Виктор   Иванович Тарадай (1960- 1980ж.ж.) ,Жезқазған қаласында туған. 1978 жылы №6 орта кәсіптік-техникалық училищені бітірді.    Ауғанстан Демократиялық Республикасында әскери борышын  өтеді.  В.И.Тарадай 1980 жылы 26 мамырда интернационалдық борышын өтеу кезінде ерлікпен қаза тапты. 1981 жылы КСРО     Жоғарғы Кеңесі Президиумының Жарлығымен   кіші сержант Виктор Тарадай (қаза тапқан соң)  «Қызыл Ту»           орденімен         марапатталады.                                                                                                                                                                                                                                                                                                                                                                                                                  

      Дереккөз:  Жезқазған.Энциклопедиялық анықтама.-   Алматы, Эверо,2004.-401 бет                                                                           

Өз ой-пікіріңізді білдіріңіз

Сіз қонақ ретінде ой-пікір білдіре аласыз

0 / 300 Character restriction
Your text should be less than 300 characters
  • Пікір білдіргендер жоқ